Дорнод аймгийн Матад суманд Аймгийн арслан Мягмаржавын Батзоригийн нэрэмжит өсвөрийн үндэсний бөхийн аймгийн аварга шалгаруулах тэмцээн амжилттай зохион байгууллагдлаа.

Энэхүү тэмцээнийг Матад сумын ИТХ, Засаг даргын Тамгын газар, Ц.Дамдинсүрэнгийн нэрэмжит ЕБСургууль, Дорнод аймгийн Биеийн тамир спортын газар хамтран зохиосон.

Уг тэмцээнд 9 байгууллагын баг, 84 тамирчид ур чадвар уран мэхийг уралдуулан барилдлаа.

Багийн дүнгээр 1-р байр Д.Зоригтбаатар дасгалжуулагчтай Матад сумын Ц.Дамдинсүрэнгийн нэрэмжит ЕБСургууль, 2-р байр аймгийн арслан Б.Талынбүүвэй дасгалжуулагчтай Дорнод аймгийн Хэрлэн сумын 6-р сургууль, 3-р байр Баттулга дасгалжуулагчтай Баян-Уул сумын сургууль тус тус байр эзэлж цом, өргөмжлөл, мөнгөн шагнал гардан авлаа. 

12-13 насны ангилалд 22 хүүхэд хурд хүч, авхаалж самбаа, уран мэхийг уралдуулснаас 1-р байр Матад сумын ЕБС-ийн сурагч Э.Мэндбаяр, 2-р байр 1-р сургуулийн Б.Одхүү, 3-р байранд 6-р сургуулийн Т.Төрболд нар

14-15 насны ангилалд 1-р байр Матад сумын ЕБС-ийн З.Сонинбаяр, 2-р байр 1-р сургуулийн бөх Эрхэмбаяр, 3-р байранд 12-р сургуулийн бөх Төрболд нар

16-17 насны ангилалд 1-р байр Баян-Уул сумын сургуулийн Эрдэнэбаяр, 2-р байр 6-р сургуулийн Э.Бүүвэй, 3-р байр Политехник коллежийн Батжаргал нар шалгарч ал, мөнгө, хүрэл медалийн эзэд болов.